ليه نتاجر بالغلابه
ليه نتاجر باللي مات
لو لربنا بنعمل
يبقي نعمل من سكات
عند ربي ثواب عظيم
وفي السؤال تجد ثبات
في دخول الجنه افضل
من دخول الانتخابات
ربنا يعطيكو جنة
والبشريدوب اصوات
كله فاني مش هيقعد
حتي رسول الله مات
والزعامه مش هتفضل
اسألو فيها السادات
مرة حارب
مرة مد ايده سلم
كان هيصنع معجزات
كان يقولي تمللي مصر
مش هترجع للي فات
كان بيحلم مصر تانية
والقدر سبق ومات
اعملو لله دايما
بكره نصبح ذكريات
الغني نديله لحمه
والفقير ياكل فتات
اطعمو الغلابه افضل
واجمعوهم من الشتات
رضا ابو شنب
مصر
تعليقات
إرسال تعليق