وردة حائرة للشاعر طه حسن

♡♡♡ رساله من أمي ♡♡♡

و بتسلم عليكي أمي 
و باعتالك معايا الرد
و بتقوللك تسامحيها
ماهيش هي اللي ظالماكي                   
و لا قادرة تحوش عنك                    
ولا عنها و لا عني 
ولا عن حد
قيود حطوها ف أديها 
و خانقينها بمليون يد
و حتى قلبها الطيب
و روحها الحلوة و النسمة
و أحلامها و أمانيها
و كل جمالها قاتلينه
سابولنا الشوك و مات الورد
و ما عدتي تلاقي الزهر
بس هتلاقي زهر النرد
بيتراهنوا يبيعوا مين ورا الأول
يبيعوني؟ يبيعوكي؟
بيبعوا الأرض
دا دمك غالي ما له قد
مسيري يوم  أهد السد
مسير العتمة و الضلمة
تغور زي إما غار غيرها
و ييجي الغد
بأنسام الصفا  الحلوة
و تخفى الدوخة و الكتمة
و يخفى الشرد
و عارفة مهما صار منهم
هتبقي ع الدوام حرة
و دايما صاينة ليها العهد
#أحمد__الجندي